قصيدة ناصر الفراعنة (تلاوة كاهن )

بسم الله الرحمن الرحيم

قصيدة تلاوة كاهن
تـلاوة كاهـن أو نفـث قـاري ... بصدري يوم أجر الصوت ساري
أدنـــــدن دن دن دن دن دن ... مثل ما دنـدن الدنـدان جـاري
على ربـع كبطـن الكـف قبـرُُ ... حلقه من الـذواري مـوس ذاري
كأن الريح فيـه اوحـوش غـاب ... تحاور في حشى صدري حـواري
كأن جبـال سلمـى دون سلمـى ... هنا واهنـاك انيـاب الضـواري
شعى شاعي شعى شايـع شعاهـا ... شعاعـاً مـا يباريهـا مـبـاري
شعـى شيـع قراشيـع شعثهـا ... إلى شعشع سبيـب مـا تمـاري
الا يالله طلبتـك ثــم طلبـتـك ... سحاب من حياض الخلـد جـاري
تزبـر ثـم تعبـر ليـن غـبـر ... وحبر ماطـره وسـط الخبـاري
تجلهـم ثـم تدلهـم ثـم أكلهـم ... بـمر باري بـرى باريـه بـاري
يحوف الشمس لين الشمس تصغر ... شوي شوي مثل عين البخـاري
إلى أن يختفي فـي ثـوب نـوه ... جذب طاريه اهـل درم السمـاري
مزونـه مزنـة ومزنـة ومزنـه ... جـواري حاكـم تتلـو جـواري
بروقه في فتوقـه مـن تشوقـه ... يلاعبهـا بأطـراف الشـبـاري
شهب مشهاب ضـوٍ او شهـاب ... شهب شباب اشهب برق عـاري
رعوده كـل مـا نقـض جعـوده ... قنيـب اذيابـة وسـط الغـداري
صدى اصواتها فـي كـل ضلـع ... تلاميـذ تـردد خلـف قــاري
تحارش ثم تهارش ثـم تكـارش ... خطارش غيمته من غير طـاري
تطش الرش حش القاع حـشُ ... يرش ولا ينـش ولـه مـواري
تغـاريـق همـاريـق بـريـق ... بباريـق ترقرقـهـا عـصـاري
لقبـل ثـم وبـل ثــم سـبـل ... وطبل تحسبه يصـرف مصـاري
ولا جـل البـرد وبلـه وهـلـل ... و كـلّ مـاء يالماشـي حـذاري
محاذيـف البـرد كبـر الجماجـم ... واصغرها مثـل روس الحبـاري
كأن القوس من قـزح علـى أول ... ظهور اول ظهيـر شبـه نـاري
سنى شفـق بـه برمـق تدلـى ... سويعة مغرب من فـوق صـاري
سحـاب جعـل ربـي لا ومربـه ... يعـم ابـه اليمانـي والنـزاري
ويسقى كل اهل شبـه الجزيـرة .... تهامـة والحجـاز ونجـد داري
وأبو ظبـي ووادي العيـن منـه ... تغـار لحسنـه جـزر الكنـاري
عساه فوق قبـر الشيـخ زايـد ... مئة ليـل وهـو سكـاب جـاري
قبر زائد ومن هـو مثـل زايـد ... و أفعالـه تغنيـهـا القـمـاري
ملك بالطيب كـل قلـوب شعبـه ... بحب وخير واسلـوب حضـاري
حمل شعبه علـى كتفـه إلـى أن ... تباكوا لـه بأطـراف الصحـاري
سقى الله ضحكتك يا ابو خليفـه ... فلا زلت اعذب الأحبـاب طـاري

مشكووووووووووووووووور
صراحة ناصر الفراعنة يستحق المليون وبكل جدارة
بس الظلم